Inesquecible o día de onte. Síntome moi honrada de formar parte do xurado da XLIV edición dos Premios da Crítica de Galicia na modalidade de Artes Plásticas.
Ao meu lado o arquitecto Luciano Alfaya; o pintor e gañador da edición 2020, Alfonso Costa; o director do centro cultural Marcos Valcárcel de Ourense, Francisco González Bouzán; a crítica e comisaria Mónica Maneiro; a pintora e profesora Ana Soler e o periodista Ernesto Sánchez Pombo, como Secretario. Premios da Crítica de Galicia, acordou entre as propostas presentadas declarar finalistas a Manuel Paz, Manuel Buciños e Manuel Ayaso.
Non foi doado, pois os tres mestres son merecedores de tal premio. Pero só un podía ser, e tras as derradeiras deliberacións, o xurado acordou outorgar por unanimidade o premio a Manuel Ayaso.
«O xurado salientou a súa traxectoria, a capacidade creativa, a construción de linguaxe persoal e a presenza de Galicia na súa obra pictórica, así como o seu recoñecemento internacional.»
